არაფორმალური განათლების ცენტრი

ჩვენი მისიაა - ცოდნებისა და გამოცდილებების გენერირება ცენტრიდან რეგიონებში. არსებობის 16 თვეში ცოდნის კაფემ 136 კულტურულ-საგანმანათლებლო აქტივობას უმასპინძლა.

ბიბლიოთეკა / წიგნის მაღაზია

ერთადერთი ბიბლიოთეკა ქიზიყში 1000-მდე მეტი თანამედოვე წიგნითა და კომპიუტერებით + ყველაზე პოპულარული წიგნის მაღაზია 10-ზე მეტი გამომცემლობის წიგნებით ყველაზე დაბალ ფასად საქართველოში.

ტკბილი კაფე

კაფუშკა - გემრიელი სასმელებით, ტკბილობებითა და დედამიწაზე ყველაზე მყუდრო ინტერიერით ფიქრისთვის, შეხვედრებისთვისა და განტვირთვისთვის მეგობრებთან ან საკუთარ თავთან ერთად.

დადე შენი აგური ცოდნის კაფეს ასაშენებლად

ცოდნის კაფე - სოციალური საწარმოა წნორში და რეგიონისთვის 4 დეფიციტურ სივრცეს აერთიანებს - არაფორმალური განათლების/კულტურის ცენტრს, წიგნის მაღაზიას, მულტიმედია ბიბლიოთეკასა და კაფეს.

ცოდნის კაფე ჭკვიანი და კეთილი ადგილია რეგიონში, რომელიც ადგილობრივმა ახალგაზრდებმა მზიანი თანამოქალაქეების მხარდაჭერით შევქმენით. ეს თითქმის ერთადერთი თავისუფალი სივრცეა სიღნაღის მუნიციპალიტეტში შეხვედრებისთვის, ლიტერატურული საღამოებისთვის, დისკუსიებისთვის, კინოჩვენებებისთვის, გამოფენებისთვის, ტრეინინგებისთვის და ვორქშოფებისთვის.

ცოდნის კაფემ თავისი 16 თვიანი არსებობის მანძილზე 3,000-ზე მეტ ბავშვს, ახალგაზრდას, ზრდასრულსა და მოხუცს უმასპინძლა. ხოლო, 8 აქტიურ ახალგაზრდულ ჯგუფს საქართველოს სხვადასხვა რეგიონიდან ბიძგი მისცა დაეწყოთ ცოდნის კაფეს მსგავსი სივრცეების შექმნა.

დღეს სოფელს სჭირდება ცოდნის კაფე. "დღეს მძლეთა მძლეა მარტო ის, ვინც მცველია და ბეჯითი სულით და ხორცითა, ცოდნითა და მარჯვენითა" (ი. ჭავჭავაძე) #დადეშენიაგური

22489762_1710688328986515_4857010078242128375_n
ტელეკომპანია იმედის სიუჟეტი ცოდნის კაფეს შესახებ:

შემოგვიერთდი:

გახდი ცოდნის კაფეს და ჭკვიანი სოფლის მაშენებელი